CONCEYU POR OTRA FUNCIÓN PÚBLICA N´ASTURIES (COFPA): Charra coloquiu sobre’l Sahara

domingo, 21 de noviembre de 2010

Charra coloquiu sobre’l Sahara

El prósimu xueves 25 de payares tendra llugar n’Avilés un actu sobre’l Sahara.Va Ser una charra coloquiu entamada pol "Club de la Nueva España" qu’empezara a les 7 de la tarde na Casa de la Cultura d’Avilés.

Na mesa van tar: Gemma Arbesú Sancho - Miembru del Observatoriu Asturianu de Derechos Humanos pal Sahara Occidental-, Mohamed Abdallahe (Naama) - Es-presu políticu saharagüi-, y Bachir Salek -Es-delegáu del Frente Polisariu-.

No hay comentarios:

Publicar un comentario

Presentación

El día 5 de payares del 2008 constituyóse’l Conceyu por Otra Función Pública n´Asturies (COFPA), como asociación abierta a tolos trabayadores pertenecientes a les estremaes Alministraciones Publiques asitiáes n´Asturies, cualquiera que seya la rellación de emplegu que tengan con les mesmes.
El Conceyu xurde nun momentu nel qu’el Gobiernu d’Álvarez Areces pretende afitar y enanchar dafechu’l sistema de función pública clientelista, güei instituyíu y sofitáu na confianza personal y nel control políticu del personal, pente medies d’una nueva Llei de la Función Pública Asturiana, de la que yá se conoz l’anteproyeutu, na que s’inxeren tolos preseos afayadizos pa degradar darréu los principios d’igualdá, méritu y capacidá nel accesu y na promoción profesional, y les condiciones de imparcialidá y oxetividá imprescindibles para cumplir cola obligación de servir exclusivamente a los intereses xenerales de los ciudadanos y ciudadanes.
El Conceyu por Otra Función Pública n´Asturies (COFPA) naz pa defender un sistema de Función Pública trasparente y democráticu y pa sofitar y esparder un modelu de servicios públicos universal y solidariu, que nun seya oxetu de negocios privaos. Poro, ye una asociación al serviciu del interés xeneral y non un grupu corporativu, nin una central sindical, que tien estatutariamente los siguientes oxetivos:
-Defender el cumplimientu escrupulosu de los principios constitucionales d´igualdá, méritu y capacidá nos procedimientos d´accesu al emplegu públicu y na promoción profesional o carrera alministrativa de los trabayadores de l´Alministración Pública, d´alcuerdu colo que establez l´artículu 23.2 de la Constitución española.
- Defender, promocionar y sofitar un sistema d´organización y furrulamientu de la Función Pública que respuenda a los principios d´oxetividá, imparcialidá, eficacia y llegalidá, conforme col artículu 103 de la Constitución española.
-Perseguir y denunciar toles práutiques, decisiones, polítiques y actuaciones concretes de los poderes públicos, que frayen los principios constitucionales reguladores de la Función Pública, con especial enfotu nes polítiques clientelares de xestión del emplegu públicu -exerciendo, nel so casu, les aiciones llegales afayadizes previstes nel Ordenamientu Xurídicu d´aplicación- asina como les actuaciones y campañes de grupos de presión, económicos, mediáticos o de cualquier otra triba, empobinaes a desprestixar y argayar el sistema constitucional de Función Pública.
- Defender, sofitar y esparder un sistema de servicios públicos qu´afite y garantice la cohesión social, la solidaridá y la igualdá d´accesu de tolos ciudadanos, con independencia del so nivel de renta.
- Denunciar los procesos de fuga del Drechu Alministrativu hacia fórmules y sistemas de xestión de los servicios públicos propies del Drechu priváu realizaes col oxetivu, pente otros, d´escurrir los procedimientos d´accesu al emplegu públicu acordies colos principios de publicidá, igualdá, méritu y capacidá.
Los contautos col Conceyu puen facese al traviés de la direición de corréu electrónicu cofpas@gmail.com o del blog http://www.otrafuncionpublica.blogspot.com/.

CONCEYU POR OTRA FUNCIÓN PÚBLICA N´ASTURIES (COFPA)

CONTACTO

domingo, 21 de noviembre de 2010

Charra coloquiu sobre’l Sahara

No hay comentarios:

Publicar un comentario

Vistas de página en total